са зборніка Н. Гілевіча "Незалежнасьць" 1991 года выданьня.

[webca]

Адкажы!
Брат мой!
Братка мой!
Братачка родны!
Адкажы – сам сабе адкажы:
Чым зрабіўся табе непрыгодны
Скарб бясцэнны тваёй жа душы?

Адчаго так бяздумна, бязмоўна
Ты яго выракаешся сам?
І чаму табе так усё роўна,
Што аборай становіцца храм?

Ці таму, што калісьці падступна
Растапталі твой шчыры давер?
Што на ніве, дзе сеяў ты рупна,
Вытраўляліся ўсходы твае?

Што ў стагодзьдзях варожыя збродні
Расьпіналі твой лёс на крыжы?
Брат мой,
Братка мой,
Братачка родны,
Адкажы – сам сабе адкажы!

Жыў ты ў горы, змагаўся ў няволі,
І канаў, і сыходзіў крывёй,
І жывым ты гарэў, а ніколі
Не саромеўся мовы сваёй.

Схамяніся ж, ачніся, агледзься!
Ды разваж, ды раздумай як сьлед:
Што пакінеш ты з поля ў налецьце?
З чым нашчадкі пакажуцца ў сьвет?

Ці ты верыш, што род твой бясплодны,
І свій лёс прамяняў на чужы?..
Брат мой!
Братка мой!
Братачка родны!
Адкажы! Сам сабе адкажы!
1987

@темы: Лирика

Comments

[Тарас Бульба]

Белорусский?

[webca]

Тарас Бульба

ага)



я конечно понимала что для кого-то из прочевших это -

будет как китайский)))



много ведь народа с России и прочих,

где на уровне ощущений и звуков белорусский не воспринимается))

[Тарас Бульба]

согласен. Хотя 80% я понял, т.к. знаю украинский